У софтверови потовмаченому (хоть лем из части) по-русинськы не є нич нового. Ентузіасты ся над тым трудять давно, дякувучи чому ся уже призберала жминька по-русинськы потовмаченых проґрам на компютер авадь телефон. Повнустю, авадь раз лем часточно.
Туй найдете список бавок тай проґрам, котрі сьте годни почти такой нараз хосновати з русинськым інтерфейсом.
Популарна бавка ся стала ци не первов бавков, котра має русинську бисіду офіційно додану удну бавкы. Убы зачати бавити по-нашому, доста си у штімованю убрати язык бавкы «Руснацькый». *Платно лем про верзію Java.
Образчик: minecraft.net
Часточно (> 80 %) потовмачена нова едіція класічної стратеґії Stronghold. Інформацію як бавити по-русинськы найдете на каналови товмачіня у Telegram.
Образчик: fireflyworlds.com
Задарьный ґрафічный редактор. Покласти си русинську бисіду мож у штімованю: More -> Language -> Русиньскый.
Образчик: photopea.com
Часточно потовмаченый популарный кросплатформовый (є и на компютор, и на телефон) месенджер Telegram. Русинську бисіду си мож покласти через спеціалноє удкликованя.
Образчик: telegram.org
Мобілна 4x-стратеґія на базі Civilization, булше ги на половину потовмачена по-русинськы. Убы покласти язык, убиріть "Rusyn" у штімованю.
Образчик: Unciv